Referendýmnan keıin Parlament ınfraqurylymy qalaı paıdalanylady

ASTANA. KAZINFORM — Senat tóraǵasy Máýlen Áshimbaev bir palataly Parlament qurylǵan jaǵdaıda, qazirgi qos palatanyń ǵımarattaryn depýtatattar paıdalanatynyn aıtty. 

Búgin Senattyń jalpy otyrysynan keıin tilshiler: «referendým nátıjesinde bir palataly Parlament qurý týraly sheshim jasalsa, Senattyń qazirgi ǵımaraty qandaı maqsatta paıdalanylady» dep surady.

— Qazaqstan halqy bir palataly jańa Parlamentti qurýdy qoldasa, onda barlyq ınfraqurylymdy Parlament paıdalanatyny túsinikti jaǵdaı. Al endi qalaı padalanatynyn sol kezde qyzmet etetin depýtattardan suraısyzdar, — dedi Máýlen Áshimbaev.

Aıta keteıik, 8 qyrkúıekte Memleket basshysy Qasym-Jomart Toqaev «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Qazaqstan halqyna Joldaýyn jarııalady.

Prezıdent Qasym-Jomart Toqaev Qazaqstan halqyna Joldaýy barysynda bir palataly Parlament qurý týraly bastama kóterdi. 

Memleket basshysy ótken 30 jylda Senat asa mańyzdy tarıhı mıssııasyn abyroımen atqaryp shyqqanyn aıtty.