Referendýmǵa jumsalatyn qarjynyń naqty somasy belgili boldy

ASTANA. KAZINFORM — Ortalyq referendým komıssııasynyń múshesi Mıhaıl Bortnık 15 naýryzda ótetin referendýmǵa naqty qansha qarajat jumsalatynyn aıtty.

— Ótken otyrysta Úkimetpen referendýmǵa arnalǵan shyǵystar smetasymen jumys istep jatqanymyzdy málimdegen edik. Sol ýaqytta 20,8 mlrd teńge týrasynda aıttym. Qarjy mınıstrligimen pysyqtaǵannan keıin 20 mlrd 778 mln 515 myń teńgege toqtadyq. Bul qarajattyń Ortalyq referendým komıssııasy men Syrtqy ister mınıstrligi arasynda bólinetindigin atap ótkim keledi. Syrtqy ister mınıstrligi belgilengen qyzmetter úshin 123 mln 634 mtsń teńge alady. Búginde qarajat Ortalyq referendým komıssııasy men SІM arqyly komıssııalardyń esepshottaryn tústi, — dedi ol komıssııa otyrysynan keıin.

Onyń málimetinshe, atalǵan qarajattyń shamamen 75 paıyzy aýmaqtyq komıssııa músheleriniń jalaqysyna tóleýge jumsalady. 

Buǵan deıin elimizdiń Syrtqy ister mınıstrligi Ýkraına men Efıopııada referendým ýchaskelerin ashpaý týraly sheshim qabyldaǵan edi.