Referendýmǵa shyǵarylatyn ózgerister demokratııalyq zańdarǵa jol ashady – Іlııas Tústikbaev

NUR-SULTAN. QazAqparat – Qazaqstan stýdentteri alıansynyń prezıdenti, QR Senat janyndaǵy jastar máseleleri jónindegi keńes múshesi Іlııas Tústikbaev 5 maýsymdaǵy respýblıkalyq referendýmǵa shyǵarylatyn ózgeristerdi bolashaqta qabyldanatyn demokratııalyq zańdadyrdyń bastamasy ǵana retinde atady, dep habarlaıdy QazAqparat tilshisi.

«Konstıtýtsııalyq reformanyń ishinde naqty jastarǵa da kerek ózgerister bar. Bul memleketti demkoratııalandyrý baǵytynda shyǵarylatyn zańdardyń tek basy ǵana. Osy ózgerister qabyldanǵan keıin ári qaraı jerge baılanysty, prokýratýraǵa, saılaýǵa baılanysty, partııaǵa baılanysty, BAQ-qa baılanysty túrli jańa zańdar qabyldanady», - degen sarapshy elimiz boıynsha jer kezegine turyp jatqan jastardyń kóbeıgenin atap ótti.

«Statıstıka boınysha jer alýǵa ótinim bergenderdiń arasynda jastardyń úlesi basym eken. Jer kezegine jastar kóp turyp jatyr. Bul jastardyń konstıtýtsııalyq reformalarǵa senetinin, erteń ıgerilmeı jatqan jerdiń memleketke qaıtarylyp, jastarǵa beriletinine senimdi ekenin kórsetedi. Shynymen de solaı bolady. Keıbir azamattardyń menshiginde myńdaǵan, júzmyńdaǵan gektar jer bar. Ol qazir ıgerilmeı bos jatyr. Qazirgi zańnyń kúshimen ony memleketke qaıtarý múmkin emes. Bolashaqta tıisti zań engizilip bos jerdiń bári memleket menshigine qaıtarylady. Ony ıgerem, jumys isteımin degen azamattarǵa qaıta taratyp beredi», - dedi Іlııas Tústikbaev.

Aıta keteıik, referendýmǵa baratyn qazaqstandyqtarǵa myna málimetterdi bilgeni abzal.