Referendýmǵa qatysty sońǵy sózdi Memleket basshysy ǵana aıta alady - Konstıtýtsııalyq Keńes

Búgin QR Parlamenti qabyldaǵan «QR Konstıtýtsııasyna ózgeris pen tolyqtyrý engizý týraly» QR Zańynyń Konstıtýtsııaǵa sáıkestigin tekserýge qatysty qortyndy sheshim shyǵaryp, arnaıy qaýly qabyldaǵan Konstıtýtsııalyq Keńestiń otyrysynda, KK Tóraǵasy Igor Rogov osylaı málim etti.

«Zańnyń konstıtýtsııalyǵyn tekserý barysynda myna máselelerge nazar aýdaryldy. Birinshiden, Táýelsiz Qazaqstannyń negizin qalaýshy, onyń birligin, Konstıtýtsııasynyń qorǵalýyn, azamattardyń bostandyǵy men quqyǵyn qamtamasyz etýshi N. Nazarbaevtyń tarıhı róli men mıssııasy QR Tuńǵysh Prezıdenti - Elbasynyń erekshe mártebesin konstıtýtsııalyq quqyqtyq bekitýge sebepshi boldy. Osyǵan oraı, Parlamenttiń 2007 jylǵy 25 mamyrda qabyldaǵan «Konstıtýtsııaǵa engizilgen ózgeristeri men tolyqtyrýlary» týraly konstıtýtsııalyq zańynda «QR Tuńǵysh Prezıdenti» degen uǵym engizildi. Zańǵa sáıkes, Qazaqstannyń Tuńǵysh Prezıdentiniń ókilettigi Konstıtýtsııamen jáne Konstıtýtsııalyq zańmen anyqtalady. Soǵan sáıkes, el Konstıtýtsııasymen anyqtalǵandaı, zańda usynylǵan «Elbasy» uǵymy Tuńǵysh Prezıdenttiń konstıtýtsııalyq zańyna jáne Negizgi zańnyń erejelerine sáıkes dep tanylady», - dedi Konstıtýtsııalyq Keńes tóraǵasy Igor Rogov.

Ekinshiden, QR Konstıtýtsııasyna sáıkes, 1-bap, 2-tarmaǵy boıynsha respýblıkalyq referendým memlekettik ómirdiń asa mańyzdy máselelerin sheshýdegi eń demokratııalyq tásil dep belgilengen. Sonymen birge, Konstıtýtsııanyń 2-babynyń 3-tarmaǵy boıynsha referendým saılaýmen birge halyqtyń óziniń bıligin tikeleı bildirýi dep tanylady. Konstıtýtsııanyń 3-babynyń 1-tarmaǵyndaǵy erejesine sáıkes, memlekettik bıliktiń jalǵyz kózi halyq. «Sonymen qatar, Konstıtýtsııalyq Keńes respýblıkalyq referendýmda daýys berý arqyly memlekettiń ómiri úshin asa mańyzdy bolyp tabylatyn kez-kelgen máseleni sheshýge bolady dep sanaıdy. Onyń ishinde QR Tuńǵysh Prezıdenti-Elbasynyń prezıdenttik ókilettigin uzartýdy da referendým arqyly sheshýge bolady. Qarastyryp otyrǵan zańǵa sáıkes, QR Tuńǵysh Prezıdenti-Elbasynyń ókilettik merzimi respýblıkalyq referendým arqyly uzartý múmkindigin qarastyrady. Osy zańnyń atalǵan normasyn qarastyra kele, Konstıtýtsııalyq Keńes zańnyń 1-tarmaǵyn anyq emes dep aıqyndady. Bundaı QR Tuńǵysh Prezıdenti-Elbasynyń ókilettigi qansha merzimge uzartylatyny anyqtalmaǵan. Bundaı sheshimniń bir retki nemese taǵy da qaıtalatyn sıpatta bolý múmkindigi baıqalmaıdy. Konstıtýtsııalyq normanyń anyq jazylmaýy Konstıtýtsııada kózdelgen memlekettik jáne qoǵamdyq ınstıtýttardyń teńsizdigine ákep soǵýy múmkin», - dedi I. Rogov.

Tóraǵanyń aıtýynsha, el Prezıdentiniń Parlament qabyldaǵan zańnyń konstıtýtsııalyǵyna kúmán keltirgeni ábden negizdi bolyp shyqty. «Sonymen qatar, Konstıtýtsııaǵa sáıkes, QR Prezıdenti Konstıtýtsııalyq Keńestiń osy sheshimine bir aı ishinde qarsylyq bildirýge quqyly ekendigin umytpaýymyz kerek. Osylaısha, referendýmnyń taǵdyryna qatysty sońǵy sózdi Memleket basshysy ǵana aıta alady», - dedi I. Rogov.