Referendýmǵa qatysty eshqandaı konstıtýtsııalyq normanyń buzylǵandyǵyn kórip otyrǵan joqpyz- OSK tóraǵasy
ANA. 27 jeltoqsan. QazAqparat /Qanat Mámetqazyuly/ - Referendýmǵa qatysty eshqandaı konstıtýtsııalyq normanyń buzylǵandyǵyn kórip otyrǵan joqpyz.
Búgin QR Ortalyq saılaý komıssııasynyń otyrysynda Qazaqstan Respýblıkasynyń Prezıdenti - Ult kóshbasshysy N.Á.Nazarbaevtyń prezıdenttik ókilettiligin 2020 jylǵy 6 jeltoqsanǵa deıin uzartý jónindegi referendýmnyń bastamashyl tobyn, sondaı-aq onyń respýblıkalyq referendýmǵa usynyp otyrǵan máselesin tirkeý týraly qaýly qabyldanǵannan keıin sóz sóılegen OSK tóraǵasy Qýandyq Turǵanqulov osylaı málim etti.
«Biz basshylyqqa alatyn qoldanystaǵy «Referendým týraly» konstıtýtsııalyq zańnamaǵa sáıkes, elde búgingi kóterilip otyrǵan másele boıynsha referendým ótkizýde eshqandaı zań buzýshylyq joq. Ondaı bastamashylyqty da, ótkizilgen jınalystardy da QR Bas prokýratýrasy zań talaptaryna tolyqtaı sáıkes dep qýattady. Budan bólek, eshqandaı da konstıtýtsııalyq normalardyń buzylǵandyǵyn kórip otyrǵan joqpyz», - dedi Q. Turǵanqulov.
