Referendýmǵa qatysatyn qazaqstandyqtardyń tizimi jasaqtalyp jatyr

NUR-SULTAN. QazAqparat – 5 maýsymda ótetin referendýmǵa qatysa alatyn azamattardyń tizimi jasaqtalyp jatyr. Bul týraly QR Ádilet vıtse-mınıstri Alma Muqanova málim etti, dep habarlaıdy QazAqparat tilshisi.

«Referendým – bul Konstıtýtsııaǵa ózgerister engizý qajettigi boınsha búkilhalyqtyq daýys berý rásimi. Atalǵan rásim memlekettiń neǵurlym mańyzdy máselelerine arnalǵan sheshimderdi qabyldaýǵa qatysty ótkizilýi múmkin. Konstıtýtsııanyń 91-babyna sáıkes oǵan túzetýler engizýdiń 2 joly bar. Biri respýblıkalyq referendým nemese Parlament arqyly. Prezıdent birinshi joldy tańdady. Óıtkeni, dál osy jol demokratııalyq ınstıtýttardyń damýyn kórsetedi. Referendýmǵa kámelet jasyna tolǵan barlyq azamat qatysa alady. Búginde ortalyq saılaý komıssııasy referendýmǵa qatysýǵa quqyǵy bar azamattardyń tizimin jasaqtap jatyr», - dedi Alma Muqanova Ortalyq kommýnıkatsııalar qyzmeti alańynda ótken baspasóz máslıhatynda.

Eske sala keteıik, bıyl 5 maýsymda QR Konstıtýtsııasyna birqatar ózgeris pen tolyqtyrý engizý boıynsha respýblıkalyq referendým ótedi. Referendým nátıjesimen 17 óńirdiń 11-i jaqtap daýys berse Konstıtýtsııaǵa ózgeris engiziletin bolady.