Referendýmǵa daıyndyq kezindegi karantın talaptary týraly qaýly shyqty

NUR-SULTAN. QazAqparat – QR Bas sanıtar dárigeriniń referendýmǵa daıyndyq týraly qaýlysy shyqty, dep habarlaıdy QazAqparat.

Qujat shildede ótetin respýblıkalyq referendým aldynda úgit júrgizý kezinde COVID-19 ınfektsııasy taralýynyń aldyn alý talaptaryn nusqaıdy. Ol talaptar mynadaı:

- úgit is-sharalaryn halyqtyń kóp jınalýyn boldyrmaıtyn alańy bar úı-jaılarda ótkizý;

- adamdardyń kóp jınalýyna jol bermeı, úgit is-sharalaryna qatysýshylardyń aǵynyn retteý;

- úı-jaılarda jeldetkish/aýa baptaý júıeleriniń úzilissiz jumys isteýin qamtamasyz etý;

- jasandy jeldetý júıesi bolmaǵan jaǵdaıda úı-jaıdy júıeli jeldetý;

- úı-jaılardy, jumys ústelderi men adam janasatyn oryndardyń bárin jýǵysh suıyqtyqtardy, dezınfektstsııalyq qospalardy qoldana otyryp súrtip, tazartý.

«Oblystardyń, respýblıkalyq mańyzy bar qalalardyń jáne astananyń ákimderi, oblystardyń, respýblıkalyq mańyzy bar qalalardyń jáne astananyń aýmaqtyq referendým komıssııalary osy qaýlyny jumysta paıdalanýdy qamtamasyz etsin», - dep jazylǵan qaýly mátininde.

Qujattyń mátinimen myna silteme arqyly tanysýǵa bolady.

Buǵan deıin QR Bas sanıtar dárigeri referendým kezinde epıdahýal nasharlasa, Ashyq qoldanylýy múmkin ekenin aıtqan bolatyn.