Referendým:Eýrazııalyq ıntegratsııa ınstıtýty Exit poll nátıjesin jarııalady

ASTANA. KAZINFORM – Eýrazııalyq ıntegratsııa ınstıtýty respýblıkalyq referendýmda elimizdiń barlyq óńirinde daýys bergen azamattar arasynda saýalnama júrgizdi.

Daýys berýshilerge «Siz Qazaqstanda atom elektr stantsııasyn salýǵa kelisesiz be?» degen suraqqa qaı jaýap nusqasyn tańdadyńyz?» degen bir ǵana suraq qoıyldy.

Exit poll tańǵy 7-den keshki 20:00-ge deıin júrgizildi. Saýalnama 250 ýchaskeni qamtydy, onyń ishinde 159 – qalalarda, 91 – aýyldyq jerlerde ornalasqan. Arnaıy daıarlanǵan respondenttermen face-to-face ádisi arqyly 30 546 azamat suraldy. Zertteý nátıjeleriniń qateligi 1%-dan aspaıdy.

Exit poll nátıjelerine sáıkes, respondentterdiń 71,8%-y «Iá, kelisemin» dep jaýap bergen, qalǵan 28,2%%-y «Joq, kelispeımin» jaýabyn tańdaǵan.

Aıta keteıik, birinshi exit poll nátıjesi: referendýmda halyqtyń 69,8 paıyzy AES qurylysyn qoldady. 

6 qazanda ótken jalpyulttyq referendýmda 63,87% saılaýshy daýys berdi.