Referendýmdy ázirleý men ótkizý jónindegi negizgi is-sharalardyń jospary bekitildi
ASTANA. KAZINFORM - Ortalyq referendým komıssııasy 2026 jylǵy 15 naýryzǵa taǵaıyndalǵan respýblıkalyq referendýmdy ázirleý men ótkizý jónindegi negizgi is-sharalardyń kúntizbelik jospary bekitildi.
Josparǵa sáıkes, 12 aqpannan bastap 14 naýryz kúni saǵat 00-00-ge deıin úgit júrgizýge ruqsat beriledi. Al 21 aqpanda aýmaqtyq jáne ýchaskelik komıssııalar quramy, referendým ýchaskeleriniń shekaralary týraly málimetter jarııalanady.
27 aqpan men 4 naýryz aralyǵynda azamattar daýys berý ýaqyty men orny týraly habardar etiledi. 12-14 naýryz kúnderi aralyǵynda ýchaskelik referendým komıssııalaryna bıýlletender jetkizildi.
Sonymen qatar 14 naýryz kúni tynyshtyq kúni bolyp belgilenedi. Bul kúni úgit júrgizýge tyıym salynady.
15 naýryzda el azamattary jańa Konstıtýtsııa jobasyna daýys beredi.
Aıta keteıik, keshe Memleket basshysy 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy.