Referendýmda óreskel zań buzýshylyqtar tirkelgen joq – ІІM
ASTANA. KAZINFORM – Іshki ister mınıstrligi respýblıkalyq referendým kezinde quqyqtyq tártip pen qoǵamdyq qaýipsizdikti qamtamasyz etýdi jalǵastyrýda.
«Búginde 33 myńnan astam polıtsııa qyzmetkeri men Ulttyq ulannyń áskerı qyzmetshileri táýlik boıy qyzmet atqarýda. Eldegi qoǵamdyq ahýal turaqty, qandaı da bir óreskel zań buzýshylyqtar tirkelgen joq. Polıtsııanyń jedel basqarý ortalyqtarynyń beınebaqylaý kameralaryn paıdalana otyryp, kósheler men daýys berý ýchaskelerin baqylaý jumystary júrgizilip jatyr. Daýys berý ýchaskelerindegi oqıǵalarǵa ýaqtyly den qoıý úshin árbir aýdanda mobıldik jedel toptar quryldy», - dedi mınıstrliktiń resmı ókili Shyńǵys Alekeshev Ortalyq kommýnıkatsııalar qyzmeti alańynda ótken baspasóz máslıhatynda.
ІІM ókiliniń aıtýynsha, azamattar men daýys berý komıssııalarynyń kez kelgen ótinish, shaǵymdaryna ishki ister organdary jedel den qoıyp, tıisti sharalar qabyldap jatyr.
«Qurmetti azamattar, Іshki ister mınıstrligi polıtsııa qyzmetkerleriniń zańdy talaptaryna túsinistikpen qaraýdy suraıdy. Qoǵamdyq tártip buzylǵan jaǵdaıda Іshki ister mınıstrliginiń kezekshi bólimderine nemese «102» jelisine habarlasýy qajet. Eger quqyq buzýshylyq tikeleı daýys berý ýchaskesinde bolsa, siz polıtsııa qyzmetkerine nemese komıssııa tóraǵasyna júgine alasyzdar», - deıdi ol.
Buǵan deıin Bas prokýratýra ókili referendýmda eki zań buzý faktisi tirkelgenin málimdegen edi.
