Referendýmda óreskel tártip buzý faktileri bolǵan joq - ІІM
ASTANA. KAZINFORM - Elimizdegi referendým ýchaskeleriniń eshqaısysynda qoǵamdyq tártipti óreskel buzý faktilerine jol berilmedi. Bul týraly «Referendým – 2026» onlaın-marafony aıasynda Ortalyq kommýnıkatsııalar alańynda ótken brıfıng barysynda QR ІІM resmı ókili Shyńǵys Álekeshev habarlady.
- Búgin polıtsııa qyzmetkerleri elimiz boıynsha respýblıkalyq referendýmnyń qaýipsizdigin qamtamasyz etti. QR ІІM daýys berý aıaqtalǵannan keıin de qoǵamdyq tártipti qamtamasyz ete beredi. Saılaý komıssııalarynyń, baıqaýshylardyń qaýipsiz jumys isteýine jáne azamattardyń óz tańdaýyn erkin túrde jasaýyna barlyq jaǵdaı jasaldy,-dedi ol.
Sondaı-aq resmı ókil elimizdegi 10 myńnan astam referendým ýchaskesiniń eshqaısysynda qoǵamdyq tártipti óreskel buzý faktilerine jol berilmegenin, qazirgi ýaqytta ýchaskelerde daýystardy sanaý jumystary júrip jatqanyn málim etti.
-Jaǵdaı turaqty jáne polıtsııanyń tolyq baqylaýynda. Daýystardy sanaý aıaqtalǵannan keıin polıtsııa qyzmetkerleri bıýlletender men hattamalardyń óńirlik komıssııalarǵa qaýipsiz jetkizilýin qamtamasyz etedi-, - dedi spıker.
Osyǵan deıin barlyq referendým ýchaskelerinde daýys berý aıaqtalǵany týraly jazdyq.