Referendýmda múgedektigi bar azamattar teń negizde daýys bere alady

ASTANA. KAZINFORM – Ýchaskelerde erekshe qajettilikteri bar azamattarǵa qolaıly jaǵdaı jasalǵan. Bul jóninde QR Ortalyq saılaý komıssııasynyń tóraǵasy Nurlan Ábdirov málimdedi. 

Onyń sózinshe, ýchaskelerde aqparattyq materıaldardy Braıl qarpimen usyný, aýdıo formattaǵy túsindirý quraldaryn berý múmkindikteri qarastyrylǵan. Sondaı-aq taktıldi baǵyttaýshy kórsetkishter ornatylǵan.

— Ýchaskelerde arnaıy jabdyqtalǵan buryshtar uıymdastyrylǵan. Olar kompıýterler, qulaqqaptar jáne úlkeıtkish quraldarmen qamtamasyz etilgen. Qozǵalys-tirek múmkindikteri shekteýli azamattar úshin keńeıtilgen daýys berý kabınalary, pandýstar, kótergish qurylǵylar, kireberistegi shaqyrý batyrmalary jáne avtokólikterge arnalǵan arnaıy turaq oryndary qarastyrylǵan. Jalpy alǵanda, erekshe qajettilikteri bar azamattardyń referendýmǵa teń negizde qatysýy úshin qajetti jaǵdaılar qamtamasyz etilgen, — dedi Nurlan Ábdirov.

Aıta keteıik buǵan deıin respýblıkalyq referendýmǵa 359 halyqaralyq baıqaýshy tirkelgenin jazǵanbyz.