«Referendýmda qazaq jáne orystildi halyq sany esepteledi» - aqparat feık

NUR-SULTAN. QazAqparat - Áleýmettik jeliler men messendjerlerde referendýmda qazaq tilinde jazylǵan bıýlletendi toltyrýǵa shaqyratyn aqparat tarady. Bıýlletenderge qarap, eldiń qazaqtildi jáne orystildi halqynyń paıyzy esepteledi-mys. Bul málimet shyndyqqa janaspaıdy, dep habarlaıdy QazAqparat.

Parlament Senatynyń depýtaty Nurtóre Júsip Facebook-tegi paraqshasynda atalǵan aqparatty joqqa shyǵardy.

«Áleýmettik jelide referendýmǵa berilgen jaýapty eki tilde sanaıdy eken degen aqparat jeldeı esip júr. Bul túbirimen durys emes!

Azamattar óz quqyǵyn bilýi tıis. Referendým týraly Zańǵa sáıkes paraqsha eki tilde toltyrylady. Sondyqtan jalǵan habarlamaǵa ermeýdi suraımyz!

Oraıy kelip turǵanda, barlyq Qazaqstan azamatyn 5 maýsym kúngi referendýmǵa bir kisideı qatysyp, aldaǵy úlken ózgerister úshin daýys berýge shaqyramyn!»,– dep jazdy Nurtóre Júsip.

QR Ortalyq saılaý komıssııasy referendým barysynda bıýlletenderdi qalaı toltyrý kerektigin túsindirgen bolatyn. Bıýlleten eki tilde birdeı jazylǵan. Onda Konstıtýtsııaǵa usynylǵan túzetýlermen kelisýge nemese kelispeýge qatysty jalǵyz ǵana suraq bar. Jaýap ekeý: «ıá» nemese «joq». Respýblıkalyq referendýmǵa shyǵarylatyn máseleler tizimi.