Referendýmda daýys berýge arnalǵan 11 839 761 bıýlleten shyǵarylady

NUR-SULTAN. QazAqparat - Ortalyq referendým komıssııasy bıýlletenderdi daıyndaýǵa qatysty qaýly qabyldady, dep habarlaıdy QazAqparat.

«Oblystardyń, Nur-Sultan, Almaty, Shymkent qalalary ákimdikteriniń, respýblıka boıynsha jergilikti atqarýshy organdardyń ókilderi usynǵan málimetter men esepterge sáıkes, tizimderge 11 722 536 adam engizildi. 5 maýsym kúni respýblıkalyq referendým ótkizý kezinde daýys berýge arnalǵan bıýlletenderdi daıyndaýdyń keıbir máseleleri týraly Ortalyq referendým komıssııasy qaýlysymen daýys berýge arnalǵan bıýlletender bir paıyz rezervpen referendýmǵa qatysýǵa quqyǵy bar azamattardyń tizimine engizilgen sanǵa teń mólsherde daıyndalady dep belgilengen.

11 839 761 kóleminde daýys berýge arnalǵan bıýlleten shyǵarylýy tıis», - dep jazdy vedomstvodan.

Belgilengen mólsherde daýys berýge arnalǵan bıýlletenderdi daıyndaý jáne referendým ýchaskelerine zańnamada kózdelgen merzimde jetkizý oblystyq, respýblıkalyq mańyzy bar qalalar men elordanyń referendým komıssııalaryna tapsyrylady.

Aýmaqtyq referendým komıssııalary bıýlletenderdi referendým ýchaskelerine jetkizý úshin belgilengen mólsherde daýys berýge arnalǵan bıýlletenderdi daıyndaýdy 2022 jylǵy 28 mamyrǵa deıin qamtamasyz etýge tıis.