Referendýmda daýys berý ashyq ári ádil ótti – reseılik sarapshy

MÁSKEÝ. QazAqparat – Elimizdiń Konstıtýtsııasyna ózgerister men tolyqtyrýlar engizý boıynsha referendýmda daýys berý ashyq ári ádil ótti. Bul týraly búgin Máskeýde ótken dóńgelek ústel barysynda Ortalyq Azııa jónindegi reseılik maman Arkadıı Dýbnov málim etti, dep habarlaıdy QazAqparat tilshisi.

Sarapshy respýblıka qalalarynda saılaýshylardyń belsendiliginde baıqalǵan aıyrmashylyq bılik jarııalaǵan nátıjelerdiń obektıvtiligin rastaıtynyn atap ótti.

«Bul ádil jáne ashyq daýys berý boldy», - dedi A.Dýbnov.

Onyń aıtýynsha, Qazaqstandaǵy qańtardaǵy qaıǵyly oqıǵalar birqatar saıası ózgeristerge serpin berdi.

«Qańtardaǵy qaıǵyly oqıǵa – memleketti qalpyna keltirý qajettigine aınaldy. Bul – búkil TMD keńistigindegi tarıhı oqıǵa», - dedi ol.

Sarapshy Qazaqstan Konstıtýtsııasyna engizilgen ózgertýler Prezıdent Qasym-Jomart Toqaevty óte jaýapty ári batyl basshy etetinin atap ótti.