«Referendýmda bıýlletender óship qalatyn sııamen toltyrylyp jatyr» - feık

NUR-SULTAN. QazAqparat –Qazaqstannyń ınternet segmentinde 5 maýsymdaǵy respýblıkalyq referendýmda túsirilgen degen jazýmen vıdeo jarııalana bastady. Kadrlarda er adam bıýlletenge belgi qoıyp, ony otpen kúıdirgen kezde jazý joǵalady. Avtordyń paıymdaýynsha, daýys berý kabınalaryna osyndaı «óship qalatyn» sııasy bar qalamdardy ádeıi qoıǵan, dep habarlaıdy QazAqparat.

Stopfake.kz saıtynyń jazýynsha, ınternette taralyp jatqan vıdeo osydan úsh jyl buryn birneshe elde taralǵan.

«Shyn máninde, jazý joǵalyp ketetin vıdeo – eski. Ol jelide alǵash ret 2019 jyly jarııalanǵan bolatyn. Bir kezderi Reseıde, Ýkraınada, Qyrǵyzstanda jáne Qazaqstanda taraǵan.
Rolıktiń qazir ótip jatqan referendýmǵa eshqandaı qatysy joq.