«Referendým týraly» Zańǵa engizilgen ózgertýler men tolyqtyrýlar belgili boldy
NUR-SULTAN. QazAqparat - «Respýblıkalyq referendým týraly» Konstıtýtsııalyq zańǵa engizilgen ózgertýler men tolyqtyrýlar jaryq kórdi, dep habarlaıdy QazAqparat.
«Respýblıkalyq referendým týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrý engizý týraly
1-bap. «Respýblıkalyq referendým týraly» 1995 jylǵy 2 qarashadaǵy Qazaqstan Respýblıkasynyń Konstıtýtsııalyq zańyna mynadaı ózgerister men tolyqtyrý engizilsin: 1) 3-baptyń 2) tarmaqshasy mynadaı redaktsııada jazylsyn: «2) memlekettiń təýelsizdigin, Respýblıkanyń birtutastyǵy men aýmaqtyq tutastyǵyn, ony basqarý nysanyn, Respýblıka qyzmetiniń túbegeıli qaǵıdattaryn ózgertý;»;
2) 28-bapta: 1-tarmaqtyń 3) tarmaqshasyndaǵy «syzylyp tastalmaǵan» degen sózder «belgilenbegen» degen sózben aýystyrylsyn; 2-tarmaqtaǵy «syzylyp tastalǵan» degen sózder «belgilengen» degen sózben aýystyryl syn;
3) 29-bap mynadaı mazmundaǵy ekinshi bólikpen tolyqtyrylsyn: «Azamat daýys bergen kezde ózi daýys beretin jaýap nusqasynyń oń jaǵyndaǵy bos sharshyǵa kez kelgen belgini qoıady».
2-bap. Osy Konstıtýtsııalyq zań alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti Q.TOQAEV
Nur-Sultan, Aqorda
