Referendým: Shotlandııa Birikken koroldiktiń quramynda qalatyn boldy
ASTANA. QazAqparat - Shotlandııada táýelsizdik jónindegi referendým aıaqtaldy. Munda bólinýge qarsy shyqqandardyń sany basymyraq boldy. Osylaısha Shotlandııa Birikken koroldiktiń quramynda qalatyn boldy, dep jazady sheteldik BAQ.
Shotlandııanyń birinshi mınıstri Aleks Salmond táýelsizdik úshin daýys bergen 1,6 mıllıon azamatqa alǵysyn aıtyp, jeńilgenin moıyndady.
Sondaı-aq ol referendýmǵa kelgenderdiń sanynyń joǵary bolǵanyn atap ótti.
Saılaý ýchaskelerine beısenbi kúni azamattardyń 80%-dan astamy keldi.
Eldiń bólinýin qoldaǵandardyń deni Dandı qalasynan boldy: munda táýelsizdik úshin azamattardyń 57,35% daýys bergen.
Іri qalalardyń biri Glazgo táýelsizdikti qoldap daýys berse, Shotlandııa astanasy - Edınbýrg bul bastamany quptamady.
