Referendým: Sheteldegi 9 myńnan astam Qazaqstan azamaty daýys berdi

ASTANA. KAZINFORM – Referendýmǵa oraı shet elderde ashylǵan referendým ýchaskeleriniń 14-i jumysyn aıaqtady. Bul týraly Syrtqy ister mınıstriniń orynbasary Arman Isetov aıtty.

- Referendýmda 54 elde ornalasqan 71 referendým ýchaskesi jumys atqarýda. Referendým ýchaskelerinde daýys berý úderisi Astana ýaqytymen tańǵy saǵat 03:00-den beri júrgizilip keledi. Ýaqyt aıyrmashylyǵyna baılanysty saǵat 19:00-ge deıin sheteldegi barlyq ýchaske ashylyp, onyń 14-i jabylyp úlgerdi. Osyǵan deıin kelip daýys bergender sany 9050 adamdy qurady, - dedi ol Ortalyq referendým komıssııasyndaǵy brıfıngte.

Onyń málimetinshe, saǵat 00:00-ge deıin sheteldegi 64 ýchaske óz jumysyn aıaqtaıdy.

- AQSh-tyń San-Frantsısko qalasyndaǵy referendým ýchaskesi eń sońǵy bolyp 16 naýryzda, Astana ýaqytymen saǵat 08:00-de saılaý úderisin támamdaıdy, - dedi Arman Isetov.

Aıta keteıik, saǵat 18-00-degi derekterge sáıkes, respýblıkalyq referendým barysynda 8 845 280 azamat daýys berdi.