Referendým: Shetelde júrgen 200-ge jýyq otandasymyz daýys berip úlgerdi

ASTANA. KAZINFORM – Shetelde júrgen 200-ge jýyq otandasymyz daýys berip úlgerdi. Bul týraly Syrtqy ister mınıstriniń orynbasary Arman Isetov  aıtty.

- Referendým kezinde 54 elde ornalasqan 71 referendým ýchaskesi jumys atqaratyn bolady. Áskerı-saıası jaǵdaıdyń shıelenisýine oraı jáne azamattarymyz sanynyń tómen bolýyna baılanysty 10 eldegi 11 ýchaske ashylmaıdy. Sheteldegi daýys beretin qazaqstandyqtardyń jalpy sany 14 380 adamdy qurady. Referendým ýchaskelerinde daýys berý Astana ýaqytymen tańǵy saǵat 03:00-de Tokıo jáne Seýl qalalarynda bastaldy. 08:00-ge deıin jalpy 23 referendým ýchaskesi ashylyp, olarǵa kelip daýys bergender sany - 198 adam, - dedi mınıstr orynbasary.

Onyń dereginshe, eń sońǵy ashylyp, jabylatyn referendým ýchaskesi AQSh-tyń San-Frantsısko qalasynda ornalasqan.

- Bul ýchaske Astana ýaqytymen búgin saǵat 19:00-de ashylady jáne 16 naýryzda saǵat 08:00-de jabylatyn bolady. Daýys bergenderdiń sany boıynsha aqparat túske deıin ár 2 saǵat saıyn, al tústen keıin ár saǵat saıyn jańartylyp turady, - dedi Arman Isetov.

Aıta keteıik, Taıaý Shyǵystaǵy ahýalǵa baılanysty Iran, Izraıl, Iordanııa, Qatar, BAÁ (2 ýchaske), Oman, Lıvan, Kýveıt, Ýkraına jáne Efıopııadaǵy ýchaskeler ashylmady.

Ortalyq referendým komıssııanyń málimetinshe, elimizde 12 461 796 daýys berýshi tirkelgen. Zań boıynsha, osy sannan 1% artyq bıýlleten ázirlenedi. Demek, 12 586 414 bıýlleten bolmaq. Alaıda jyrtyp ne búldirip alsa, azamattarǵa jańa bıýlleten berilmeıdi.

Eger azamat eshqaıda tirkelmegen bolsa, munyń da sheshimi qarastyrylǵan. El boıynsha 220 ýchaskege 1 táýlikke tirkelýge bolady. Mundaı jaǵdaıda azamat tizimge engizilip, daýys berý úshin oǵan bıýlleten usynylady.