Referendým: Shetelde 12 485 otandasymyz daýys beredi

ASTANA. KAZINFORM – AES qurylysyna qatysty respýblıkalyq referendýmda shetelde júrgen 12 485 otandasymyz daýys beredi. Bul týraly Ortalyq referendým komıssııasynyń otyrysynda Syrtqy ister mınıstrliginiń erekshe tapsyrmalar jónindegi elshisi Alýa Nádirqulova aıtady.

«Syrtqy ister mınıstrligi aldaǵy respýblıkalyq referendýmdy ótkizý úshin keshendi jumys istedi. Qazirgi ýaqytta QR azamattarynyń shetelde daýys berýi úshin qajetti jaǵdaıdy qamtamasyz etý jumystary tolyqtaı aıaqtaldy. Atap aıtqanda, daýys berýge quqyǵy bar otandastarymyzdyń tizimi jasaldy. Olardyń jalpy sany – 12 485 adam. QR saılaý zańnamasyna sáıkes, Syrtqy ister mınıstrligine 12 611 bıýlleten bólindi. Olardyń ýaqytyly jetkizilýin mınıstrliktiń jaýapty qyzmetkerleri qamtamasyz etedi», - dedi ol. 

Onyń dereginshe, QR-nyń 59 eldegi mekemelerinde 74 ýchaskelik komıssııa quryldy. Komıssııanyń barlyq músheleri saılaý úderisterin qamtamasyz etý boıynsha qashyqtyqtan oqý kýrstarynan ótti. Ýchaskelerdi jańa saılaý jáshiktermen jabdyqtaý máselesi qosymsha pysyqtaldy.

Ortalyq referendým komıssııasynyń tóraǵasy Nurlan Ábdirovtiń aıtýynsha, 6 qazanda ótetin referendýmda daýys berýge arnalǵan 10 323 ýchaske jumys isteıdi. 

«Sany ózgerdi. Onyń ishinde 59 sheteldegi mekemeler janynan ashylǵan 74 referendým ýchaskesi jumys isteıdi», - dedi komıssııa tóraǵasy.

Buǵan deıin Izraıl, Iran jáne Lıvandaǵy referendým ýchaskeleri jumysyn toqtatqanyn, bul eldegi 238 otandasymyz daýys bermeıtindigin jazǵan edik.