Referendým ótkizýge 16,4 mlrd teńge bólindi – Erulan Jamaýbaev

NUR-SULTAN. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev konstıtýtsııalyq reformaǵa qatysty ótetin respýblıkalyq referendým ótkizýge qansha qarajat bólingenin aıtty, dep habarlaıdy QazAqparat tilshisi.

«Konstıtýtsııalyq referendým ótkizýge respýblıkalyq bıýdjetten 16 mlrd 400 mln teńge bólinedi. Ortalyq saılaý komıssııasy tıisti esep-qısapty usyndy. Búgin Úkimet osyǵan baılanysty Qaýly qabyldady. Qarjy respýblıkalyq bıýdjetten, Úkimet rezervinen bólinedi», - dedi Erulan Jamaýbaev Úkimet otyrysynan keıin BAQ ókilderiniń suraǵyna bergen jaýabynda.

Aıta keteıik, ótken aptada Ortalyq referendým komıssııasy belsendi saılaý quqyǵyna ıe Qazaqstan azamattaryna úndeý jasady. QR Prezıdenti Qasym-Jomart Toqaev 5 maýsymda respýblıkalyq referendým ótkizý týraly Jarlyqqa qol qoıdy.