Referendým ótkizýdi usynǵan bastamashy top OSK-ǵa Qazaqstan azamattarynyń 5 mln. astamy qol qoıǵan paraqtar tapsyrdy
ASTANA. 12 qańtar. QazAqparat /Marlan Jıembaı/ - Daýys berý quqyǵy bar qazaqstandyqtardyń 50 paıyzdan astamy Elbasy ókilettigin uzartý jónindegi referendým ótkizý týraly batamany qoldady.
Bul týraly búgin elordada ótken baspasóz máslıhatynda bastamashy toptyń jetekshisi Shákárim atyndaǵy Semeı memlekettik ýnıversıtetiniń rektory Erlan Sydyqov málim etti.
«Biz Ortalyq saılaý komıssııasyna Qazaqstan azamattarynyń 5 mln. astamy qol qoıǵan paraqtardy tapsyrdyq. Bul respýblıka saılaýshylary sanynyń jartysynan artyq. Bizdiń bastama elimizdiń barlyq óńirinde jáne qalyń buqara arasynda zor qoldaýǵa ıe boldy»,- dedi ol.
