Referendým naýqany: Qonaevta aspanǵa áýe shary kóterildi

QONAEV. KAZINFORM – Qonaevtyń ortalyq alańynda jeke kompanııa ókilderi halyqty 6 qazan kúni ótetin referendýmǵa shaqyrý maqsatynda áýe sharyn kóterdi. 

«Shar keshki saǵat 20:00-ge deıin ortalyq alańda bolady. Qyzyǵýshylar bolsa, 2 000 - 5 000 teńge kóleminde aqy tólep, aspanǵa kóterilýine múmkindik qarastyrylǵan», - dep atap ótti ákimdikten. 

Eske salaıyq, buǵan deıin Almaty oblysynda referendýmǵa daıyndyq qalaı júrip jatqanyn jazǵan edik. 

Óńirde 643 saılaý ýchaskesi bar. Daýys berý kúni oblystyń 477 ýchaskesinde onlaın-servıster arqyly saılaýshylardyń tirkeýin tekserý múmkindigi usynylady. Ýaqytsha tirkeý qajet azamattar úshin arnaıy 5 ýchaske (Qonaev qalasynda – 2, Qaskeleń, Talǵar jáne Esik qalalarynda bir-birden) bolady. Bul ýchaskelerde azamattar HQKO arqyly ýaqytsha tirkelip, óz daýysyn bere alady.