Referendým kúni Túrkistan oblysynda jármeńkeler ótip jatyr

TÚRKІSTAN. KAZINFORM - Túrkistan oblysyndaǵy 167 aýyldyq eldi mekende jyljymaly medıtsınalyq pýnktter jumys isteýde. Atalǵan medıtsınalyq brıgadalar ýchaskelerge kelgen daýys berýshilerdiń densaýlyǵyn baqylap, keńes berýde.

Q.A. ıAsaýı atyndaǵy HQTÝ-niń daýys berý ýchaskesinde kitap jármeńkesi ótti. Óz tańdaýyn jasaýǵa kelgen qala turǵyndary arzan baǵada túrli janrlardaǵy kitaptardy satyp ala alýǵa múmkindik aldy.

Sondaı-aq, aýdan-qalalardyń ortalyqtarynda azyq-túlik jármeńkeleri uıymdastyryldy. Turǵyndar azyq-túlik ónimderi men kókónisterdi naryqtan 15-20 paıyzǵa tómen baǵada satyp alyp jatyr. Óńir sharýalary óz ónimderin jurtshylyqqa deldalsyz, arzan baǵada usynyp, el alǵysyna bólenýde.

Al, Túrkistan qalasyndaǵy №931 daýys berý ýchaskesinde ulttyq qolóner jármeńkesi uıymdastyrylyp, kelýshilerge sheberlik synyptary ótkizildi. Jármeńkede sheberler aǵashtan jasalǵan ulttyq aspaptar men bylǵarydan tigilgen buıymdardy turǵyndardyń nazaryna usyndy. Sondaı-aq, qysh-qumyralar men kartınalar kórmege qoıyldy.

Aıta keteıik, daýys berý - azamattardyń turǵylyqty jeri boıynsha referendým ýchaskelerinde ótedi. Ýchaskeler 07:00-den 20:00-ge deıin ashyq bolady. Azamattar jeke kýáligin ne tólqujatyn kórsetý arqyly daýys bere alady.

Osyǵan deıin Shymkentte múgedektigi bar azamattarǵa ınvataksı men sýrdoaýdarmashylar qyzmet kórsetip júrgeni aıtyldy.