Referendým qorytyndysy Qazaqstannyń odan ári órkendeýiniń negizin qalaıdy — Tájikstan SІM
ASTANA. KAZINFORM — Tájikstan Qazaqstandy respýblıkalyq referendýmnyń sátti ótýimen quttyqtady, dep habarlaıdy Kazinform-nyń Dýshanbedegi menshikti tilshisi.
— Joǵary qatysý jáne daýys berý qorytyndylary el basshylyǵynyń saıası baǵytyn keńinen qoldaıtynyn jáne halyqtyń aýqymdy reformalar baǵdarlamasyna degen senimin aıqyn kórsetedi. Biz referendým qorytyndylary Qazaqstan Respýblıkasynyń odan ári órkendeýi úshin berik negiz qalaıtynyna senimdimiz, — dep habarlady Tájikstan Syrtqy ister mınıstrligi.
Vedomstvo Tájikstannyń Qazaqstanmen máńgilik dostyq, odaqtastyq jáne strategııalyq seriktestik rýhyna berik berilgendigin taǵy da rastaıtynyn qosty.
Sońynda tájik tarapy baýyrlas Qazaqstan halqyna beıbitshilik, gúldený jáne kúshti jáne egemendi memleket qurý jolynda jańa jetistikter tilegin bildirdi.
Osyǵan deıin Qytaı Qazaqstandy referendýmnyń sátti ótýimen quttyqtady.
