Referendým: Kentaýlyq jas sarbaz óz tańdaýyn jasady

KENTAÝ. KAZINFORM – Kentaý qalasy Hantaǵy aýylyndaǵy №60 referendým ýchaskesinde Otan aldyndaǵy boryshyn ótep kelgen, kópbalaly otbasydan shyqqan Kenjebek Baıtýǵan daýys berdi. 

Almaty qalasynda №61993 áskerı bóliminiń desanttyq shabýyldaý áskerinde boryshyn ótep kelgen jigit saıası naýqanda óz tańdaýynyń el erteńi úshin mańyzdy ekenin tilge tıek etti. 

Memleket basshysy Qasym-Jomart Toqaevtyń 2024 jylǵy 2 qyrkúıektegi №636 Jarlyǵyna sáıkes, búgin elimizdiń barlyq óńirinde referendým ótip jatyr. Jalpy Kentaý qalasy boıynsha 35 daýys berý ýchaskelerinde 56 405 daýys berýshi tirkelgen. 

Eske sala keteıik, buǵan deıin referendýmda 33 myńǵa jýyq polıtsııa qyzmetkeri men Ulttyq ulannyń áskerı qyzmetshileri kezekshilik etip jatqanyn jazǵan edik.