Referendým - Qazaqstan Konstıtýtsııasymen belgilengen lıgıtımdi, zańdy shara - professor M. Báshimov
ASTANA. 13 qańtar. QazAqparat /Jasulan Amanbaıuly/ - Qazaqstan Prezıdentiniń ókilettigin 2020 jylǵa deıin uzartý jónindegi referendým ótkizý - Qazaqstannyń qazirgi Konstıtýtsııasymen belgilengen lıgıtımdi, zańdy shara bolyp tabylady.
Búgin Astanada «Bas redaktorlar klýby» qoǵamdyq birlestiginiń jıynynda «Chelovek ı Zakon» gazetiniń bas redaktory, Eýropalyq quqyqtyq saraptama ınstıtýtynyń dırektory, zań ǵylymdarynyń doktory, professor Marat Báshimov osylaı atap kórsetti.
«Men Qazaqstandaǵy zańgerler qaýymdastyǵynyń pikirin jetkizgim keledi. Osy aptada referendým taqyryby aıasynda zań ǵylymdary doktorlarynyń qatysýymen kóptegen otyrystar, talqylaýlar boldy. Olar barlyq protsedýralar lıgıtımdi, zańdy, Qazaqstannyń qazirgi Konstıtýtsııasyna saı degen ortaq uıǵarymǵa kelip otyr»,-deıdi M. Báshimov.
Onyń aıtýynsha, keıbir elder Qazaqstanda referendým ótkizý jónindegi bastamaǵa ekiudaı kózqaraspen qaraýda. Degenmen bul bastama «joǵarydan» emes, «tómennen», ıaǵnı halyqtyń óz aýzynan shyǵyp jatqan bastama bolǵandyqtan, M. Báshimov, «halyqaralyq qaýymdastyq qazaqstandyqtardyń tańdaýyna qurmetpen qaraýy tıis» dep esepteıdi.
«Bastapqyda osy máselege qatysty ekiushty pikirler bolǵany ras. Degenmen teorııada tek bir prıntsıp bar - ol halyq bıligi. Bıliktiń kózi - halyq. Al halyq óz erikterin baǵytyn eki túrde - referendým jáne saılaý arqyly anyqtaıdy. Eger bizde elektorattyń jartysynan astamy, 5 mln. qazaqstandyq osy joldy tańdasa, referendým sharasy - bizdiń Konstıtýtsııamen belgilengen lıgıtımdi ári zańdy dep aıtýǵa bolady»,-dep túıindedi sózin ol.
