Referendým qarsańynyń ózinde halyqtyń qoldaýy Prezıdent saılaýynda Elbasymyzdyń tolyqtaı jeńiske jetýiniń alǵysharty - M.Tájimurat
ASTANA. 31 qańtar. QazAqparat /Marlan Jıembaı/ - Referendým qarsańynyń ózinde halyqtyń qoldaýy Prezıdent saılaýynda Elbasymyzdyń tolyqtaı jeńiske jetýiniń alǵysharty.
Bul pikirdi búgin Aqordada Elbasy Nursultan Nazarbaev Qazaqstan halqyna Úndeý arnaǵannan keıin BAQ ókilderine suhbat bergen «Astana» jýrnalynyń dırektory Maqsat Tájimurat bildirdi.
Onyń atap ótýinshe, Elbasy Nursultan Nazarbaevtyń Qazaqstan halqyna arnaǵan Úndeýinde eki nársege, atap aıtqanda tarıhı jaýapkershilik pen demokratııanyń synaǵy degen máselelerge ekpin túsirip aıtty. Dál osy eki másele Elbasynyń búgingi sóziniń túpqazyǵy, ózegi desek te bolady.
«Meniń oıymsha, referendým qarsańynyń ózinde halyqtyń qoldaýy Prezıdent saılaýynda Elbasymyzdyń tolyqtaı jeńiske jetýiniń alǵysharty, múmkindiginiń kórinisi boldy ǵoı dep oılaımyn. Sondyqtan búgin Elbasynyń arnaıy birinshi ret demokratııalyq jolmen saılanǵan Qazaqstannyń Prezıdenti bola otyryp halyqqa qaıyrylyp, demokratııalyq qundylyqtarǵa adaldyǵyn saqtap qalýy, eger Parlament zań qabyldap jatsa, merziminen buryn bolaıyn dep otyrǵan saılaýda óziniń tolyqtaı jeńiske jetetindigine seniminiń arqasy dep oılaımyn. Sondyqtan senimge qoldaý kórseteıik», - dedi ol.
