Referendým halyqtyń oıynyń kórinisin sıpattaıtyn eń bıik ólshem - Ó.Baıgeldı
ANA. 14 qańtar. QazAqparat /Aıdar Ospanalıev/ - «Qazaqstan Respýblıkasynyń Konstıtýtsııasyna ózgerister engizý týraly» zań birlesken otyrysta biraýyzdan qabyldandy.
Endi referendým ótkizýge jol ashyldy»,-deıdi senator Ómirbek Baıgeldı. Bul pikirin ol búgin Parlament palatalarynyń birlesken otyrysynan soń jýrnalısterge bergen suhbatynda bildirdi.
«Halqymyzdyń 5 mıllıonnan astamy referendým ótkizýge qoldaý bildirdi. Menińshe, halyqtyń oıy durys. Parlament te osyǵan saı sheshim qabyldady. Endi referendým ótedi dep oılaımyn. Referendým bizge óte qajet. Ol halyqtyń oıynyń kórinisin sıpattaıtyn eń bıik ólshem. Ol ádettegi saılaýdan da bıik turatyn uǵym. Sondyqtan halyq muny ózi sheshsin. Al Prezıdent referendým ótkizýdi endi quptaıdy degen oıdamyn. Óıtkeni buǵan qatysty máseleniń barlyǵy sheshildi»,-dedi Ó.Baıgeldı.
