Referendým: Daýys berý barysyna kimder baıqaýshy bola alady
ASTANA. KAZINFORM – Ortalyq referendým komıssııasynyń otyrysynda komıssııa múshesi Anastatsııa Şegortsova referendým barysynda kimderdi baıqaýshy bola alatynyn aıtty.
«Referendým komıssııa músheleri men daýys berýge quqyǵy bar azamattardan basqa referendým ýchaskesinde qatysýshylardyń taǵy 4 sanaty bolýy múmkin. 1-sanat – akkredıttelgen qoǵamdyq birlestikterdiń, kommertsııalyq emes uıymdardyń baıqaýshylary. Saılaý men referendýmdy baıqaýǵa qatysqysy keletin qoǵamdyq birlestikter men kommertsııalyq emes uıymdar Ortalyq jáne aýmaqtyq saılaý ýchaskelerinde akkredıtteý rásiminen ótedi. Akkredıtteý 1 jylǵa beriledi. Búgingi tańda 13 respýblıkalyq qoǵamdyq uıym jáne 231 óńirlik uıym akkredıttelgen. Respýblıkalyq qoǵamdyq birlestikter elimizdiń barlyq 20 óńirinde baıqaýdy júzege asyra alady. Óńirlik uıymdar akkredıttelgen oblysta jáne olardyń fılıaldary bar oblystarda baıqaýdy júzege asyra alady», - dedi ol.
Onyń atap ótýinshe, daýys berý barysyna saıası partııalar da baıqaýshy bola alady. Biraq, olar da akkredıtteýden ótýi tıis. Bul rette AMANAT partııasy ǵana akkredıtteýden ótti. Basqa saıası partııalar Ortalyq referendým komıssııasyna ótinim bergen joq.
ІІ sanat – shet memleketter men halyqaralyq uıymdardyń akkredıttelgen baıqaýshylary. 30 shet memleketten jáne 4 halyqaralyq uıymnan barlyǵy 177 baıqaýshy resmı tirkeýden ótti. Sheteldik baıqaýshylardyń aýdarmashymen birge júrýge quqyǵy bar.
ІІІ sanat – sheteldik BAQ ókilderi. Olardy Syrtqy ister mınıstrligi akkredıtteıdi. 38 elden 200 tilshi tirkelgen.
ІV sanat – otandyq BAQ ókilderi. Daýys berý kúninde ár BAQ-tan 1 ókilden, telearnalardan 3 ókilden qatysa alady. Ol úshin BAQ ókiliniń qyzmettik kýáligi men rektsııalyq tapsyrmasy bolýy qajet.
«Atalǵan 4 sanattyń ókilderi daýys berý ýchaskesinde ashylǵan sátten bastap, daýys berý nátıjeleri anyqtalǵanǵa deıin qatysýǵa quqyly. Olardyń quqyqtary men mindetteri zańnamamen belgilengen. Daýys berýge arnalǵan úı-jaıda saılaý komıssııa belgilegen erejelerdi qatań saqtaýǵa mindetti. Daýys berýge arnalǵan úı-jaıda bógde adamnyń bolýyna tyıym salynady», - dedi ol.
