Referendým – damyǵan demokratııalyq qoǵam qurý jolyndaǵy mańyzdy qadam - Prezıdent
«Elimizdiń tarıhynda Konstıtýtsııaǵa engiziletin ózgerister alǵash ret jalpyhalyqtyq referendým arqyly júzege asyrylady. Referendým ótkizý – Qazaqstanda damyǵan demokratııalyq qoǵam qurý jolyndaǵy mańyzdy qadam. Ata zańǵa engiziletin túzetýler jobasy elimizde bir aı boıy qyzý talqylandy. Túsindirý jumystary júrgizildi. Qoǵamda konstıtýtsııalyq reformaǵa qatysty pikirler kóp aıtylyp jatyr», - dedi Qasym-Jomart Toqaev.
Osy oraıda Memleket basshysy onyń erejeleri Prezıdenttiń artyqshylyqtary men ókilettigin kúsheıtýge emes, bılik tarmaqtary arasyndaǵy úılesimdi jáne tepe-teńdik júıeni nyǵaıtýǵa, barlyq azamattyń múddesin, quqyǵy men erkindigin qorǵaýǵa baǵyttalǵanyn atap ótti.
«Búkil halyqtyń Konstıtýtsııaǵa engiziletin ózgeristerge qatysty erikti tańdaýy Jańa, Ádiletti Qazaqstannyń berik irgetasyn qalaıdy. Biz birlese otyryp, shyn máninde, Jańa Qazaqstan quramyz. Onda áleýmettik ádildik jańa qoǵamdyq kelisimniń basty qundylyǵy jáne negizgi ózegi bolady», - dedi Prezıdent.
Budan buryn habarlanǵandaı, Memleket basshysy bul referendýmda ár azamattyń daýysy mańyzdy ekenin, árbir azamat tutas ulttyń taǵdyryna, ıaǵnı tikeleı óz taǵdyryna oń yqpal ete alatynyn atap ótti.
Búgin tún ortasynda referendýmǵa qatysty úgit-nasıhat aıaqtalady.
Referendýmda 11 myńnan astam qazaqstandyq shet memleketterde daýys beredi.
