Referendým boıynsha Konstıtýtsııaǵa ózgerister engizý máselesi saıası ári zańdyq turǵydan durys sheshim - I. Elekeev
ANA. 29 jeltoqsan. QazAqparat /Qanat Mámetqazyuly/ Referendým boıynsha Konstıtýtsııaǵa ózgerister engizý máselesi saıası ári zańdyq turǵydan durys sheshim.
Búgin QR Parlamenti Májilisiniń jalpy otyrysynda «Qazaqstan Respýblıkasynyń Konstıtýtsııasyna ózgeris engizý máselesi boıynsha QR Prezıdentiniń respýblıkalyq referendým taǵaıyndaýy týraly» máseleni talqylaý barysynda depýtat Irak Elekeev osylaı málim etti.
«Referendým ótkizý týraly bastamashyl toptyń sheshimine sáıkes, «Siz respýblıkalyq referendýmda QR Tuńǵysh Prezıdenti-Elbasy N.Á. Nazarbaevtyń prezıdenttik ókilettikteri merzimin 2020 jylǵy 6 jeltoqsanǵa deıin uzartasyz ba?» degen másele shyǵarylǵan bolatyn. Árıne, másele óte oryndy qoıylyp otyr. Alaıda, zańger retinde Konstıtýtsııalar men zańdar arasyndaǵy qaıshylyqtardy joıý kerektigin qoldaımyn. Bul rette Konstıtýtsııada «Elbasy» sózi qalys qalyp tur. Sondyqtan da, referendýmǵa Konstıtýtsııaǵa ózgerister engizýi, onyń ishinde «Elbasy» sózin qosý týraly usynysty jaqtaımyn. Konstıtýtsııanyń 3 babyna sáıkes, bıliktiń jalǵyz kózi - halyq. Endeshe, halyq referendým arqyly Konstıtýtsııaǵa ózgerister engize alady ári halyq kimge senetinin, memlekettik bılikti kimge, qansha merzimge tapsyratynyn ózi sheshedi», -dedi depýtat.
Onyń aıtýynsha, Parlament depýtattary bastamashylyq jasaǵan Konstıtýtsııaǵa ózgerister engizý máselesi saıası ári zańdyq turǵydan durys sheshim bolyp tabylady. «Tek osyndaı ózgerister ǵana ýaqyt pen tarıh synyna jaýap beredi», - dedi I. Elekeev.
