Referendým ashyq ári demokratııalyq túrde ótti - ShYU Bas hatshysy
«Maýsymnyń 3-i men 5-i aralyǵynda ShYU mıssııasy Qazaqstannyń Syrtqy ister mınıstrliginiń shaqyrtýymen referendýmda baıqaý mıssııasyn júrgizdi. Shanhaı yntymaqtastyq uıymy mıssııasy 17 músheden turady. Oǵan múshe elderdiń atqarýshy jáne zańnamalyq organdardyń ókilderi, ShYU laýazymdy tulǵalary kiredi. Men Bas hatshy retinde mıssııany basqaramyn. Mıssııa músheleri Ortalyq referendým komıssııalarynyń quramymen qoıan-qoltyq jumys istedi. Halyqaralyq uıymdar men sheteldik baıqaýshylarmen birlese jumys istep, ortalyq referendým komıssııasynyń aıtýly sharaǵa daıyndyǵy men ótkizýge qatysty jumysyn baqylady. Sonymen qatar elordadaǵy halyqtyń referendýmǵa qatysý protsesine baıqaý júrgizildi», - dedi Chjan Mın BAQ ókilderine arnalǵan baspasóz máslıhatynda.
Bas hatshynyń málimdeýinshe, referendým barysynda qatysýshylardyń quqyǵyp buzyp, múmkindigin shekteý jaǵdaıy tirkelmedi.
«Mıssııa Ortalyq referendým komıssııasy men qoǵamdyq uıymdardyń tájirıbelik materıaldary negizinde ortaq sheshimge keldi. Mıssııa Qazaqstan tarapy óziniń talaptaryn tolyq oryndady dep esepteıdi. Konstıtýtsııaǵa ózgerister engizý týraly referendým halyqaralyq standarttar men Qazaqstannyń saılaý zańnamasyna saı ótti. Referendým barysynda eshqandaı zań buzý anyqtalmady. Bizdiń mıssııa Qazaqstandaǵy referendýmdy ashyq ári ádil, demokratııalyq túrde ótti dep esepteıdi. Osy oraıda Qazaqstannyń Syrtqy ister mınıstrligine ShYU mıssııasynyń baıqaýshy retinde jumys isteýine barlyq jaǵdaıdy jasaǵany úshin alǵys aıtqym keledi, - deıdi ol.
