Referendým arqyly Konstıtýtsııanyń 33 babyna túzetý engiziledi - Máýlen Áshimbaev
«Memleket basshysy Qasym-Jomart Kemeluly Toqaev Qazaqstan halqy Assambleıasynyń HHHІ sessııasynda elimizdiń búgini men bolashaǵyna qatysty tyń bastamalar týraly aıtty. Onyń ishinde qoǵam tarapynan birden qyzý qoldaý tapqan Ata zańǵa ózgerister men tolyqtyrýlar engizý jóninde respýblıkalyq referendým ótkizý týraly usynystyń mańyzy joǵary. Osy rette Prezıdentimizdiń usynysy halyqtyń talap-tilegi men suranysynan týyndaǵanyn atap ótken jón. Sondyqtan búgingi bastamany «Halyq únine qulaq asatyn memleket» tujyrymdamasynyń taǵy bir naqty nátıjesi dep qabyldaımyz. Shyn máninde, bul referendým qolǵa alynǵan saıası jáne konstıtýtsııalyq reformalardy iske asyrý jolyndaǵy negizgi qadamdardyń biri bolary sózsiz» dep atap ótti Senat tóraǵasy.
Onyń aıtýynsha, Konstıtýtsııaǵa engiziletin ózgerister memlekettiliktiń jańa modelin qalyptastyrýdy kózdeıdi. Bul – memleket pen qoǵamnyń baılanysyn burynǵydan da jaqyndata túsetin úlken múmkindik.
Reforma aıasynda Ata zańymyzdyń 33 babyna túzetý engiziledi. ıAǵnı elimizdiń eń basty Qujatynyń úshten biri ózgeredi degen sóz. Sol sebepti, osyndaı tarıhı betburysty halyqtyń tikeleı qatysýymen júzege asyrý asa mańyzdy.
«Onyń ústine, respýblıkalyq referendým ótkizý azamattarymyzdyń konstıtýtsııalyq quqyǵy ekeni belgili. Sondaı-aq ol búkil halyqqa el bolashaǵy úshin ortaq jaýapkershilik júkteıdi. Osylaısha biz ortaq múddege jumylý arqyly naǵyz demokratııaly jáne ádiletti «Jańa Qazaqstandy» qalyptastyra alamyz. Búgingi sessııada Memleket basshysy qazirgi geosaıası ahýalǵa da nazar aýdaryp, mundaı jaǵdaıda elimizdiń azamattyq biregeıligin nyǵaıtý jáne otanshyldyq rýhyn kóterý qajet ekenin aıtty. Bul eki qundylyq ta eldik pen memlekettiliktiń basty tirekteriniń biri. Sondyqtan biz Prezıdentimiz aıtqandaı, «Birligimiz – áralýandyqta» qaǵıdatyn berik ustanýymyz qajet. Aldaǵy ýaqytta memlekettilik múdde jolyndaǵy osyndaı tyń bastamalardy iske asyrýǵa Parlament Senaty belsendi qatysa beredi. Biz Memleket basshysynyń bastamalaryn quqyqtyq turǵydan qamtamasyz etý úshin tıisti zańdardyń bárin qabyldaımyz» dep túıindedi oıyn Máýlen Áshimbaev.
Buǵan deıin Erlan Qarın eldegi konstıtýtsııalyq reformanyń 5 negizgi baǵytyn ataǵan bolatyn.
Eske sala keteıik, Memleket basshysy Qasym-Jomart Toqaev Ata zańǵa ózgerister men tolyqtyrýlar engizý jóninde respýblıkalyq referendým ótkizýdi usyndy.
