Referendým: 6 mln 470 myńnan astam adam daýys berdi
ASTANA. KAZINFORM — Elimizde ótip jatqan referendým barysynda daýys berýge quqyǵy bar azamattardyń 51,93 paıyzy tańdaý jasady. Bul týraly Ortalyq referendým komıssııasynyń hatshysy Shavkat Ótemisov málim etti.
Onyń dereginshe, oblystardyń, respýblıkalyq mańyzy bar qalalardyń jáne astananyń aýmaqtyq komıssııalary usynǵan derekterge sáıkes saǵat 14-00-degi jaǵdaı boıynsha óńirlerde azamattardyń kelýi:
1. Abaı oblysy boıynsha — 61,04%.
2. Aqmola oblysy boıynsha — 60,05%.
3. Aqtóbe oblysy boıynsha — 61,37%.
4. Almaty oblysy boıynsha — 56,13%.
5. Atyraý oblysy boıynsha — 56,54%.
6. Batys Qazaqstan oblysy boıynsha — 49,97%.
7. Jambyl oblysy boıynsha — 51,13%.
8. Jetisý oblysy boıynsha — 59,82%.
9. Qaraǵandy oblysy boıynsha — 57,32%
10. Qostanaı oblysy boıynsha — 56,51%.
11. Qyzylorda oblysy boıynsha — 64,63%.
12. Mańǵystaý oblysy boıynsha — 53,14%
13. Pavlodar oblysy boıynsha — 53,31.
14. Soltústik Qazaqstan oblysy boıynsha — 52,37%.
15. Túrkistan oblysy boıynsha — 58,03%.
16. Ulytaý oblysy boıynsha — 52,06%.
17. Shyǵys Qazaqstan oblysy boıynsha — 59,60%.
18. Astana qalasy boıynsha — 40,68%.
19. Almaty qalasy boıynsha — 21,68%.
20. Shymkent qalasy boıynsha — 58,24%.
— Jalpy, saǵat 14-00-degi jaǵdaı boıynsha respýblıkanyń 6 471 378 azamaty bıýlleten aldy. Ol tizimge engizilgen azamattardyń 51,93 paıyzyn qurady. «Respýblıkalyq referendým týraly» Konstıtýtsııalyq zańnyń 31-baby 2-tarmaǵyna sáıkes, referendýmǵa qatysý quqyǵy bar azamattardyń jartysynan kóbi daýys berýge qatysqan bolsa, referendým ótkizilgen dep sanalady, — dedi Shavkat Ótemisov.
Aıta keteıik, saǵat 12-00-degi málimetterge sáıkes, buǵan deıin 4 677 595 azamat daýys bergen edi.
Ortalyq referendým komıssııanyń málimetinshe, elimizde 12 461 796 daýys berýshi tirkelgen. Zań boıynsha, osy sannan 1% artyq bıýlleten ázirlenedi. Demek, 12 586 414 bıýlleten bolmaq. Alaıda jyrtyp ne búldirip alsa, azamattarǵa jańa bıýlleten berilmeıdi.
Eger azamat eshqaıda tirkelmegen bolsa, munyń da sheshimi qarastyrylǵan. El boıynsha 220 ýchaskege 1 táýlikke tirkelýge bolady. Mundaı jaǵdaıda azamat tizimge engizilip, daýys berý úshin oǵan bıýlleten usynylady.
— Búgin biz elimizdiń bolashaǵy úshin óz tańdaýymyzdy jasadyq. Ár azamattyń daýysy mańyzdy, pikiri qundy dep sanaımyz. Barshańyzdy daýys berýge shaqyramyz, — dedi kókparshy Mádı Seıdýllaev.
Aıta keteıik, atalǵan ýchaskede turǵyndar referendýmǵa belsendi qatysyp, azamattyq ustanymdaryn bildirip jatyr.
Budan buryn Túrkistan oblysynda 37 myńnan astam jas alǵash ret daýys beretinin jazǵan edik.