Referendým-2026. Sheteldegi qazaqstandyqtardyń belsendiligi joǵary
ASTANA. KAZINFORM – Álemniń referendým ýchaskeleri belsendi jumys istep jatyr. Bul týraly SІM baspasóz qyzmeti habarlady.
Qazaqstandyqtar Eýropa elderinde, onyń ishinde Bolgarııa, Grekııa, Latvııa, Lıtva, Rýmynııa, Fınlıandııa, Estonııa, Aýstrııa, Belgııa, Germanııa, Ispanııa, Italııa, Majarstan, Nıderland, Norvegııa, Polsha, Slovakııa, Frantsııa, Horvatııa, Chehııa, Moldova, Shveıtsarııa, Shvetsııa, Ulybrıtanııa jáne Portýgalııada referendým ýchaskelerinde daýys berýdi jalǵastyryp jatyr.
Sonymen qatar Kıpr Respýblıkasy aýmaǵynda júrgen Qazaqstan Respýblıkasynyń azamattarynyń referendýmǵa qatysýyn uıymdastyrý maqsatynda Qazaqstannyń elshiligi janynan Qazaqstan Respýblıkasy referendýmynyń №511 ýchaskesi tarıhta alǵash ret ashyldy.
Parıjde ornalasqan №410 referendým ýchaskesi jergilikti ýaqytpen tańǵy saǵat 7:00-de óz jumysyn bastady. Frantsııa aýmaǵyndaǵy jalǵyz ýchaskesi Qazaqstan respýblıkasynyń Konsýldyǵynda, Elıseı alańynyń qasynda ornalasqan.
Referendýmda alǵashqy bolyp daýys berýge osynda bilim alyp júrgen magıstranttar keldi. Jalpy 200-den astam adam tirkelgen. Daýys berý jergilikti ýaqyt boıynsha saǵat 20:00-ge deıin, ıaǵnı Astana ýaqytymen túngi 00:00-ge deıin jalǵasady.
Máskeýdegi ýchaskede belsendiligi joǵary.
Aıta ketelik álemniń 40-tan astam elinde referendým ýchaskeleri jumys istep jatyr.