Referendým – 2026: Ózbekstanda 755 qazaqstandyq daýys beredi
TAShKENT. KAZINFORM – Ózbekstan astanasyndaǵy Qazaqstan elshiliginiń ǵımaratynda ornalasqan №431 ýchaskede respýblıkalyq referendýmǵa belsendi daıyndyq júrip jatyr, dep habarlaıdy Kazinform agenttiginiń Tashkenttegi menshikti tilshisi.
Ýchaskelik komıssııasynyń málimetinshe, konsýldyq esepte turǵan 755 qazaqstandyq Tashkentte daýys bermek. Atap aıtqanda, bul jerde joǵary oqý oryndarynda oqıtyn stýdentter, Ózbekstanda ýaqytsha jumys isteıtin jáne turatyn otandastarymyz, qazaqstandyq týrıster men issaparda júrgen azamattar tańdaý jasamaq.
Aıta keteıik, Tashkenttegi №431 referendým ýchaskesi Qazaqstan Respýblıkasynyń elshilgi ǵımaratynda (Abaı kóshesi, 1) ornalasqan. Onda daýys berý jergilikti ýaqyt boıynsha saǵat 7:00-de bastalyp, 20:00-de aıaqtalady.
Eske salaıyq, búgin saǵat 00.00-de úgit kezeńi aıaqtalady. Osy sátten bastap «tynyshtyq kúni» bastalady.
Buǵan deıin habarlaǵanymyzdaı, 15 naýryzda «Referendým — 2026» onlaın marafony ótedi.