Referendým -2026: Gennadıı Golovkın Taılandta daýys berdi

ASTANA. KAZINFORM – Qazaqstan Respýblıkasy Ulttyq olımpıada komıtetiniń prezıdenti, «World Boxing» uıymynyń prezıdenti Gennadıı Golovkın referendýmda daýys berdi. Bul týraly Syrtqy ister mınıstrligi málimdedi.

Bangkok qalasynda ótip jatqan World Boxing Futures Cup 2026 halyqaralyq týrnırine qatysý aıasynda Qazaqstannyń Taılandtaǵy Elshiligi janyndaǵy #453 referendým ýchaskesine kelip, Qazaqstan Respýblıkasynyń jańa Konstıtýtsııasyn qabyldaý máselesi boıynsha respýblıkalyq referendýmda daýys berdi.

Gennadıı Golovkın azamattardyń el úshin mańyzdy sheshimderdi qabyldaýǵa qatysýynyń mańyzdylyǵyn atap ótip, respýblıkalyq referendýmnyń memlekettiń odan ári damýy men nyǵaıýyndaǵy róline nazar aýdardy.

Aıta keteıik, Ózbekstan astanasyndaǵy Qazaqstan elshiliginde ornalasqan referendým ýchaskesi jergilikti ýaqyt boıynsha saǵat 07:00-de óz jumysyn bastady.