Referendým 2024: aımaqtar boıynsha Túrkistan oblysy ekinshi orynda

TÚRKІSTAN. KAZINFORM – Aımaqtar boıynsha 75,31 paıyz tańdaý jasaǵandar - Túrkistan oblysynyń turǵyndary.

6 qazanda daýys berý kúni Ortalyq referendým komıssııasy kúni boıy ýchaskelerdiń ashylýy jáne daýys berýdiń bastalýy týraly aqparat berip otyrdy, sondaı-aq árbir eki saǵat saıyn QR ORK músheleri daýys berýshilerdiń qatysýy týraly oblystardyń, respýblıkalyq mańyzy bar qalalardyń, elordanyń aýmaqtyq komıssııalarynyń derekterin berip otyrdy.

Respýblıka boıynsha ýchaskelerde daýys berý saǵat 20.00-de aıaqtaldy. Oblystardyń, respýblıkalyq mańyzy bar qalalardyń, elordanyń komıssııalary usynǵan derekterge sáıkes 2024 jylǵy 6 qazanda saǵat 20.00-degi jaǵdaı boıynsha tizimge engizilgen azamattardyń jalpy sanynyń 63,87% -i bıýlleten aldy.

Referendým qalaı ótti, qorytyndysy ne boldy? Kazinform tilshisiniń materıalynan tanysa alasyz.

Eske salaıyq, keshe qazaqstandyqtar atom elektr stantsııasyn salý máselesi boıynsha referendýmda daýys berdi.

6 qazanda el boıynsha 10 249 referendým ýchaskesinde daýys berý bastaldy.

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly ekeni aıtyldy.

Qoǵamdyq saıasat ınstıtýty saılaýshylar arasynda saýalnama júrgizdi. Exit poll nátıjesinde qatysýshylardyń 72,3 paıyzy AES qurylysyn qoldaǵan.

«Astana – keshendi áleýmettik zertteýler ınstıtýty»: exit poll nátıjesinde qazaqstandyqtardyń 69,8 paıyzy referendýmda AES qurylysyn qoldap daýys berdi.

Eýrazııalyq ıntegratsııa ınstıtýty: Exit poll nátıjelerine sáıkes, respondentterdiń 71,8%-y «Iá, kelisemin» dep jaýap bergen, qalǵan 28,2%%-y «Joq, kelispeımin» jaýabyn tańdaǵan.