Referendým: 2 mıllıonnan astam azamat daýys berdi

ASTANA. KAZINFORM – Respýblıka azamattarynyń 19,2 paıyzy referendýmda daýys berdi. Bul týraly Ortalyq referendým komıssııasynyń múshesi Lázzat Súıindik málim etti.

Onyń dereginshe, oblystardyń, respýblıkalyq mańyzy bar qalalardyń jáne astananyń aýmaqtyq komıssııalary usynǵan derekterge sáıkes saǵat 10-00-degi jaǵdaı boıynsha óńirlerde azamattardyń kelýi:

1. Abaı oblysy boıynsha – 17,98%.
2. Aqmola oblysy boıynsha - 19,82%.
3. Aqtóbe oblysy boıynsha – 21,80%.
4. Almaty oblysy boıynsha – 18,10%.
5. Atyraý oblysy boıynsha –19,44%.
6. Batys Qazaqstan oblysy boıynsha – 18,80%.
7. Jambyl oblysy boıynsha – 18,49%.
8. Jetisý oblysy boıynsha – 21,01%.
9. Qaraǵandy oblysy boıynsha - 26,64%
10. Qostanaı oblysy boıynsha –19,24%.
11. Qyzylorda oblysy boıynsha – 24,02%.
12. Mańǵystaý oblysy boıynsha - 18,53%
13. Pavlodar oblysy boıynsha –16,36%.
14. Soltústik Qazaqstan oblysy boıynsha –18,72%.
15. Túrkistan oblysy boıynsha – 21,21%.
16. Ulytaý oblysy boıynsha – 20,31%.
17. Shyǵys Qazaqstan oblysy boıynsha – 20,64%.
18. Astana qalasy boıynsha – 20,68%.
19. Almaty qalasy boıynsha – 9,54%.
20. Shymkent qalasy boıynsha – 21,36%.

- Jalpy, saǵat 10-00-degi jaǵdaı boıynsha respýblıkanyń 2 393 844 azamaty bıýlleten aldy. Ol tizimge engizilgen azamattardyń 19,21 paıyzy, - dedi Lázzat Súıindik.

Ortalyq referendým komıssııanyń málimetinshe, elimizde 12 461 796 daýys berýshi tirkelgen. Zań boıynsha, osy sannan 1% artyq bıýlleten ázirlenedi. Demek, 12 586 414 bıýlleten bolmaq. Alaıda jyrtyp ne búldirip alsa, azamattarǵa jańa bıýlleten berilmeıdi.

Eger azamat eshqaıda tirkelmegen bolsa, munyń da sheshimi qarastyrylǵan. El boıynsha 220 ýchaskege 1 táýlikke tirkelýge bolady. Mundaı jaǵdaıda azamat tizimge engizilip, daýys berý úshin oǵan bıýlleten usynylady.