Redjep Taıyp Erdoǵan kandıdatýrasy Túrkııa prezıdenti laýazymyna usynyldy
ASTANA. QazAqparat - Túrkııanyń Premer-mınıstri Redjep Taıyp Erdoǵan el prezıdentiniń oryntaǵynan úmitker atandy. Bul týraly Reuters habarlaıdy.
Erdoǵannyń kandıdatýrasyn Túrkııanyń bılik basyndaǵy Ádildik jáne damý partııasy usynyp otyr.
Aıta keteıik, budan buryn óz kandıdattaryn oppozıtsııalyq halyqtyq-respýblıkalyq partııa men ulttyq is-qımyl partııasy (kandıdat Ekmeleddın Ihsanoglý), sondaı-aq halyqtyq-demokratııalyq partııa (Selahattın Demırtash) usynǵan bolatyn.
2014 jylǵy maýsym aıynda eldiń basqarýshy partııasy Erdoǵandy prezıdenttik saılaýǵa úmitker retinde usynatyny belgili boldy.
Túrkııadaǵy prezıdenttik saılaý 2014 jylǵy 10 tamyzda ótedi. Bul eldegi alǵashqy búkilhalyqtyq prezıdent saılaýy bolmaq, buǵan deıin prezıdentti parlament saılaıtyn. Eger birinshi týrda birde-bir kandıdat jetkilikti daýys jınamasa, ekinshi týr 24 tamyzda ótkiziledi, dep josparlanyp otyr.
