Redjep Taııp Erdoǵan prezıdent saılaýyna kandıdat retinde resmı usynyldy

ANKARA. Anadoly- QazAqparat – Túrkııanyń Aq partııasy men Ultshyl qozǵalys partııasy (MHP) Redjep Taııp Erdoǵannyń kandıdatýrasyn aldaǵy prezıdent saılaýyna kandıdat retinde resmı usyndy. Bul týraly QazAqparat Anadolyǵa silteme jasap habarlaıdy.

Eske sala keteıik, jaqynda Memleket basshysy Qasym-Jomart Toqaev Ankaraǵa sapary barysynda Redjep Taııp Erdoǵanǵa Prezıdent saılaýynda sáttilik tilegen bolatyn.

«....Redjep Taııp Erdoǵan myrzaǵa aldaǵy Prezıdent jáne Parlament saılaýynda sáttilik tileımin. Túrik jurty Sizge barynsha qoldaý kórsetedi dep senemin», - dedi Qasym-Jomart Toqaev.

Buǵan deıin belgili bolǵandaı Túrkııa Prezıdenti Redjep Erdoǵan 10 naýryzda saılaýǵa daıyndyqty bastaý jónindegi qaýlyǵa qol qoıdy. Qol qoıylǵannan keıin 60 kún saılaýaldy kezeń ótip, 14 mamyrda prezıdent saılaýy bolady.