Redjep Erdoǵan oppozıtsııamen kelisimge kelýge ýáde berdi
ASTANA. 13 maýsym. QazAqparat - Túrkııa Premer-Mınıstri Redjep Erdoǵan eger bılik basynda úshinshi kezeńge qalsa, oppozıtsııalyq partııalarmen bitimge kelýge ýáde berip otyr,
dep habarlaıdy VVS telekompanııasy.
Jeksenbi kúni ótken saılaýdyń aldyn ala qorytyndysy premer-mınıstr Redjep Erdoǵan jetekshilik etetin Ádildik jáne damý partııasynyń taǵy da jeńiske jetkenin kórsetip otyr.
Qazirgi tańda daýystardyń 75 paıyzy sanalyp bitti, daýystardyń 51 paıyzy Erdoǵannyń partııasynyń enshisine tıip otyr. Jergilikti sholýshylardyń pikirinshe, bul partııa májilistiń jańa quramynda 328 oryn alady degen sóz. Degenmen, bul kórsetkish konstıtýtsııaǵa birjaqty ózgertýler engizý úshin qajetti 2/3 daýysty alýǵa jetkiliksiz.
Saılaýda Erdoǵan partııasynyń basty qarsylasy - zaıyrly Respýblıkalyq halyqtyq partııasy boldy.
