Reddit Aýstralııa úkimetin sotqa berdi

ASTANA. KAZINFORM — Reddit áleýmettik jelisi Aýstralııa bıligin Joǵarǵy sotqa berdi. Bul týraly Reuters -ke silteme jasap, 24 kg jazdy.

Shaǵymdanýdyń sebebi — elde 16 jasqa deıingi balalarǵa áleýmettik jelilerdi paıdalanýǵa tyıym salatyn jańa normanyń engizilýi. Tyıym salynǵan platformalar qatarynda Reddit te bar.

Reddit ókilderi bul sheshim Aýstralııa Konstıtýtsııasymen kepildengen saıası kommýnıkatsııa erkindigin shekteıdi jáne paıdalanýshylardyń qupııalylyǵyna qaýip tóndiredi dep málimdedi.

Óz kezeginde Aýstralııa úkimeti qabyldanǵan sharalar balalar men ata-analardyń múddesin qorǵaýǵa baǵyttalǵanyn atap ótti.

Eske sala keteıik, buǵan deıin Aýstralııa jasóspirimderdiń áleýmettik jelini qoldanýyna alǵashqy bolyp tyıym salǵanyn jazǵan edik.