Retseptisiz ekpeden ólip qala jazdaǵan qaraǵandylyq sábı aýrýhanadan shyqty
QARAǴANDY. QazAqparat - Qaraǵandy oblysynyń klınıkalyq balalar aýrýhanasynyń dárigerleri kórshisi salǵan ekpeden keıin esinen tanyp aýrýhanaǵa túsken eki jasar balany úıine shyǵardy, dep habarlaıdy «QazAqparat» HAA tilshisi.
Qaraǵandy oblystyq densaýlyq saqtaý basqarmasynyń baspasóz hatshysy Aıjan Isanyń málimdeýinshe, dárigerler jasandy tynys berilip es-tússiz jatqan balanyń qasynda kúni-túni kezekshilik etken.
«Balanyń jaǵdaıy qanaǵattanarlyq. Ol úıine qaıtaryldy. Esterińizge salamyz, óz betimen emdelýdiń arty qaıǵyly jaǵdaıǵa ákelip soǵady», - dedi Aıjan Isa.
Aıta keteıik, eki jasar balaǵa sýyq tıip dene qyzýy 38 gradýsqa deıin kóterilgen. Onyń anasy dárigerlerdiń kómegine júginbesten, balasyn ózi emdegen. Ol Tsef-3 antıbıotıgin satyp alyp, kórshi kelinshekke balasyna ekkizgen. Birneshe mınýttan keıin bala shok bolyp, klınıkalyq ólim jaǵdaıyna túsip qalǵan. Balany aýrýhana jetkizgen ata-anasy buǵan deıin dárigerlerdiń balaǵa osy ekpeni salǵanyn aıtqan. Alaıda, dárigerler dárini jıi qabyldaǵan balanyń ımmýnıteti álsirep, aǵzasy ekpeden ýlanǵan degen tujyrym jasady.
