Retsept boıynsha dári-dármek «Qaǵazsyz aýrýhana» arqyly beriledi
NUR-SULTAN. QazAqparat - Retseptilerdi jazyp berý men dárihanalardan preparattardy alý jolyn jeńildetý maqsatynda Densaýlyq saqtaý mınıstrligi 2020 jyldan bastap barlyq óńirge «Qaǵazsyz aýrýhana» júıesin engizbek, dep habarlaıdy QazAqparat tilshisi.
«Qazaqstanda dárigerdiń retseptisi boıynsha dárihanalarda dári-dármek satý - Densaýlyq saqtaý mınıstrliginiń jańa talaby emes. Bul júıe 15 jyldan beri qoldanylyp keledi. Dárigerdiń retseptinsiz satylatyn preparattardyń tizbesimen mınııstrliktiń ınternet-resýrstarynda tanysýǵa bolady. Retsepti jazyp berý men dárihanalardan preparattardy alý jolyn jeńildetý úshin 2020 jyldan bastap mınıstrliktiń aqparattyq júıelerinde jumysty tolyq elektrondyq formatqa kóshirý josparlanyp otyr», - dedi QR Densaýlyq saqtaý mınıstrligi taýarlar men qyzmetterdiń sapasyn jáne qaýipsizdigin baqylaý komıteti tóraıymy Lıýdmıla Bıýrabekova Úkimettiń baspasóz ortalyǵynda.
Onyń aıtýyna qaraǵanda, «Qaǵazsyz aýrýhanaǵa» ótý sheńberinde Qaraǵandy, Atyraý jáne Shyǵys Qazaqstan oblystary retseptilerdi jazyp berý boıynsha elektrondy formatqa kóship ketken.
«Іshki naryqtaǵy dári-dármektiń aınalymyn baqylaýdyń tıimdi sharalarynyń biri - farmatsevtıkalyq qadaǵalaý júıesi nemese «sary karta». Osy júıe AQSh pen Eýroodaqtyń halyqaralyq dárejedegi jetekshi retteý organy sanalady. Dári-dármekti tirkeý kýáligin keri qaıtarý nemese toqtata turý sekildi sharalardy Dárilik zattardy saraptaý ulttyq ortalyǵy júrgizedi. Mysaly, osy jyldyń 5 aıynda 18 preparatty keri qaıtaryp alý jáne satylymyn toqtatý týraly sheshim qabyldandy. Sondaı-aq, 43 preparattyń 43 ataýynyń janama áseri bolǵandyqtan, satylymyn toqtattyq», - dedi komıtet basshysy.
