«Realdyń» qaqpashysy súıiktisine 2,5 mln. eýronyń vıllasyn syıǵa tartty
ASTANA. QazAqparat - Madrıdtik «Realdyń» jáne Ispanııa quramasynyń qaqpashysy Iker Kasılıas Rojdestvoda óziniń súıiktisi - telejúrgizýshi Sara Karboneroǵa astana mańyndaǵy Posýelo-de-Alarkoneden vıllany tartý etti, dep habarlady Lenta.ru Eurosport-qa silteme jasap.
Jańa úıde bes jatyn bólmesi, alty jýynatyn bólme, eki qonaq bólmesi, eki ashana jáne úlken baq bar. Budan buryn vıllanyń ıesi juldyzdy jup - Alberto Martını men telejúrgizýshi Lıdııa Bosh bolǵan edi.
Mádenıet pen óner qaıratkerleri aıyrylysqannan keıin bul úıdi 2 mıllıon 600 myń eýroǵa satpaqshy boldy, biraqta keıinnen «Real» qaqpashysyna 100 myń eýroǵa jeńildik jasady.
Derekkózdiń habarlaýynsha, Kasılıas óziniń baspanasyn aýystyrǵysy kelmegen, biraq ta kóshýge onyń súıiktisi kóndirgen. Ekeýiniń súıispenshiligi bastalǵaly fýtbolshy turǵyn úıin úsh ret aýystyrdy.
Sara Karbonero ıspandyq telekarnalardyń birinde OAR-daǵy 2010 jylǵy mýndıaldaǵy komandanyń jeńisinen keıin suhbat alý ústinde tikeleı efır kezinde Kasılıas súıgennen keıin álemge tanymal bolyp ketti.
