«Realdyń» ataqty shabýylshysy es-tússiz jatyr
ASTANA. QazAqparat - Ispanııanyń tanymal fýtbolshysy, Madrıdtiń «Real» komandasynyń qurmetti prezıdenti Alfredo dı Stefanonyń júregi toqtap, komaǵa tústi.
Bul týraly Marca ıspandyq basylymy habarlady.
Dı Stefanonyń júrek talmasy senbi kúni Madrıdtiń «Santıago Bernabeý» arenasyna jaqyn mańda ustap qalǵan. onyń júregi 18 sekýndqa soǵýyn toqtatty. Jumada ǵana 88 jasqa tolǵanyn atap ótken burynǵy shabýylshy birden aýrýhanaǵa jatqyzyldy.
Qazir dı Stefano ıntensıvti terapııa bóliminde komada jatyr. Dárigerler onyń jaǵdaıyn aýyr dep otyr.
Dı Stefano «Real» komandasynda 1950-1960 jyldardaǵy oıynymen tanyldy. Ol 282 matchqa qatysyp, 216 dop soqqan. Býenos-Aıreste týǵan fýtbolshy úsh eldiń ulttyq quramasynda - Argentına, Kolýmbııa jáne Ispanııada oınady.
FIFA ony 20-ǵasyrdyń úshinshi fýtbolshysy dep tanydy. Dı Stefano 2000 jyldan beri «Realdyń» qurmetti prezıdenti, al 2008 jyldan beri ÝEFA-nyń qurmetti basshysy boldy.
