«Real» jazda Krıshtıanýmen qosa 9 oıynshysyn satpaq
ASTANA. QazAqparat - Madrıdtik «Real» jazdaǵy aýysym kezeńinde 10 oıynshysyn satpaq. Bul týraly sport.es basylymyna siltememen massaget.kz habarlap otyr.
«Koroldik klýbtyń» prezıdenti Florentıno Peres jazda komanda quramyna úlken ózgerister engizýdi josparlap otyr eken. Ispandyq basylym taratqan aqparat boıynsha, klýb 10 oıynshyny satylymǵa shyǵarýy múmkin. Olardyń qatarynda komanda kóshbasshylary Krıshtıaný Ronaldý men Serhıo Ramos ta bar eken.
Sondaı-aq qorǵaýshylar Danılo men Alvaro Arbeloa, jartylaı qorǵaýshylar Kazemıro, Isko, Tonı Kroos, Hames Rodrıges jáne shabýylshy Hese Rodrıgespen qosh aıtyspaq.
«Real» jazda satyp alýǵa emeýrin tanytyp otyrǵan oıynshylardyń biri - Eden Azar. Madrıdtik klýb «Chelsı» oıynshysy úshin 80 mıllıon fýnt shyǵyndaýǵa daıyn.
Aıta keteıik, «Real» Ispanııa lalıgasynyń HHVII týryn syrt alańda kósh sońyndaǵy «Levantege» qarsy ótkizip, 3:1 esebimen jeńiske jetti. Qazirgi tańda madrıdtik ujym kósh basyndaǵy «Barselonadan» 9 upaıǵa qalyp keledi. Dese de katalondyq klýbtyń enshisinde bir artyq oıyny bar.
